ÇOK OKUNANLAR
Karakter boyutu : 12 Punto 14 Punto 16 Punto 18 Punto
Dêrsim 37-38 jenosid o
17 Şubat 2014 Pazartesi Saat 10:07
Enqere de ‘Qonferansê Dêrsim’ de kam ke qese guret, ju fek ra arde zon

Dêrsim 37-38 jenosid o. Na cumla, 11ê çele 2014ine de Enqere de ‘Qonferansê Dêrsim’ de kam ke qese guret, ju fek ra arde zon.

Daimi DOĞAN / Dersim Gazetesi

Vıraştoxê qonferans; ‘platformê wertaxên ya virr ardene’ bivi. Qonferans çar roniştiş de vırajiya. Hata na dem Dêrsim 37-38 ser zaf rey qonferansi vırajiyayi. Hama qe guman çin o ke roştdarê Dêrsim u roştdarê Tırkiya qe ju fekra qesey nêkerdivi.

Na qonferans de Mehmet Bayrak ya ki Munzur Çem ke se vake ,Baskın Oran ve Mete Tuncay ki inu ra dur çiyê nêvake. Çıke Dêrsim 37-38 êndi pêro vijdanu de jenosid o.

1990ine de İsmail Beşikçi ke na cumla vake, tayê Dêrsimij jêde ima nêkerdivi. Çıke Dêrsim de se bivi jêde nêzonıtene. Hama ewro êndi biyo eskera ki Dêrsim de duwele jenosid vıraşto. Qonferans rê tayê nustoxi, wezifedarê banderiye u tayê komelê Dêrsim ra xeylê isoni poşt dayivi.

Qonferans de pêro qeseykerdoxi, jêde Dêrsim de se bivi? Name ney çı bi? Ser fıkıriyayi.

Çıke name ke pıra nêna, qeseyê bin kêm manenê vajiya. Qeseykerdoxu ra Mete Tuncay; “kitavê Komare de Sarewedernayiş(1972) ra gorê;18 Sarewedernayiş vırajiye. Duwele ninu ra 16 teney sarewedernayişê kurdu vênitê. Duwele nê maxsus sarewedernayiş ra name kerde ke zulmê xo mevejiyo werte”, vake.

Qesekerdoxu ra Şükrü Aslan; “jêde waxtê İnöni u Bayar muqayese kerd.Duwele na jenosid de qe sıstiye nêwaşta”, vake.

Mehmet Bayrak; “Jenosidê Dêrsim tayê hona nêwezene ke eskera bıvo. Ninu ra gorê; Atatırk masum biyo. İnönü jenosid nêwaşto. Nê pêro jur ê. Ewro testiknameyê ke vejiye wertê qe guman nêverdanê. Jenosidê Dêrsim tırkên-mıslımanên ser ju tertele wo. Çıke Sarê Dêrsim hem Elewi biyê hem ki kırmanc biyê. Tarixê komare; tarixê tırk-mıslıman kerdeno.

Duwele na sevev ra Dêrsim de jenosid vıraşto”, vake. Munzur Çem; “qırrımê Dêrsim ju jenosid o. Çıke Dêrsim; elewi biyo, Dêrsim kırmanc biyo, Dêrsimij qırrımê hermeniwu de ca nêgureto, Dersim otoriteyê duwele nêwaşto. Duwele 1907ine de piyê Sey Rıza; Sey İvrahim re ke se kerdo, Sey Rıza ser ki a politika ra şiya. Dersim de ju isoni nêkışiyê, hete ra ki vurnayişê(asimilasyonê) kultır ki vırajiyo. Duwele pêro çek ke kerde top,hona Dêrsimij qırr kerdê”, vake.

Baskın Oran; “Dêrsim de duwele raver cırm bırno, dıma vurnayiş vıraşto. No sorê(plan) ki 1925ine de ‘Teserê Sorê Rojakewten’ ra kerdo amade. Jenosidê Dêrsim waxtê cumrat de qırrımo peyêno. Çıke ney ra dıma jêde ferqdar kes nêmendê. Çı hêfo ke sevevê na qırrımi , Dêrsim de hona her kes ra jêde rey cênê”, vake.

Bülent Eğilmez; “heketê Dêrsim ju sarewedernayiş niyo, jenosid o .Hata na waxt tayine niya vativi, hama ewro êndi kes niya nêvano”, vake.

Kazım gündoğan; “Dêrsim 37-38 sarewedernayiş niyo, jenesid o . Na ra tepiya çı vırazeme gere ke ey ser bıgurime”,vake.

Erdal Doğan ki; “jenosidê Dêrsim ser 2012ine de ‘Mehkemewo Cırmê Miyanneteweyi’ de dawa kerde ra .Tırkiya ters ver na mehkeme de hona cayê xo nêgureto. Na cedelê ma, cedelê isonên yo. Ma sarê Dêrsim zaf kutime herey, hama êndi nara tepiya se keme gereke ey dıma bıkuyime.Gereke her kes na mehkeme ser bıguriyo”,vake.

Moderatorên ya qonferans Ali tutay, Zübeyde Kılç , Kazım Genç u Murat Işık vıraşt.

Qonferans forum ra dewam kerd. Murat Işık, peyê qonferans de roza bazari serva qurulê idare sılayiye dê. Qonferans, mıradê rındiye u haştiye waştene ra qediya.

Newededersim

Bu yazı toplam 1218 defa okundu.
Bu Yazıya Henüz Yorum Eklenmemiş.
Esra ÇİFTÇİ
Mesele sistemdir
Can KASAPOĞLU
Dersim Kazanacak
Mustafa ŞEN
Tarihi Sorumluluk
Fadıl Öztürk
Armağan olsun
Nesimi ÖZGECAN
Kestane Şekeri
ARŞİVDE ARA
SİTE ANKET
Dersim'de Baraj yapılmalımı?
Evet Yapılmalı
Hayır Yapılmamalı
Kararsızım